Enerst Muçi ka gjetur përsëri golin në Superligën turke. Sulmuesi kuqezi arriti që të realizojë golin e parë të ndeshjes në përballjen e javës së 33-të mes Besiktas dhe Ankaragücü. 23-vjeçari realizoi një gol fantastik me një goditje me të majtën në minutën e 18-të, duke ndezur festën në shkallët e stadiumit.
Goli i tretë për Muçin me fanellën e Besiktas, ku u transferua gjatë merkatos së dimrit për shifrën e 10 milionë eurove. Sulmuesi është përshtatur mjaft mirë dhe po e ndihmon jo pak skuadrën e tij.
Besiktas kërkon pjesëmarrjen në Europë, për të shpëtuar një sezon që nuk ka shkuar mirë, teksa deri më tani ka grumbulluar 48 pikë, duke u pozicionuar në vendin e katërt me 4 pikë më pak se Trabzonspor i vendit të tretë.
